Ráðstefna 3f 
föstudaginn 11. mars 2011 kl. 13:00–17:00

Framtíðin er núna – Tækni fyrir alla

Haldin í Keili – Miðstöð vísinda, fræða og atvinnulífs
að Ásbrú á Miðnesheiði

Vefsíða ráðstefnunnar

Dagskrá

Kl. 12:00 Rútuferð frá BSÍ

Kl. 13:00 Setning, Árni Sigfússon, bæjarstjóri Reykjanesbæjar

Kl. 13:10 Fyrirlestur – Framtíðin er núna!

• S. Fjalar Jónsson, kennari í Fjölbrautaskólanum í Breiðholti

Kl. 14:00 Kaffihlé – kynningar í veitingasal

Kl. 14:30 Innlegg og umræður – Skipt eftir þemum

Lausnir nú og í framtíðinni í UT

• Ómar Örn Magnússon deildarstjóri Upplýsingatæknideildar Tækniskólans og Jóhann Áki frá EJS.
  Kynning á LiveEdu þjónustunni frá Microsoft; ókeypis tölvupósti, gagnahýsingu og forritum. Skjákynning.
• Salvör Gissurardóttir lektor í HÍ. Hún mun kynna Wikipedia og Wikibooks skólastarfi.   

• Páll Guðbrandsson frá lestu.is fjallar um raf og hljóðbækur. 

• Björk Guðnadóttir frá Keili Moodle 2.0
  Moodle er líklega mest notaða námsstjórnunarkerfið hér á landi og nýtt allt í senn á grunn- framhalds- og háskólastigi. Moodle notendur hafa alltaf haft eitthvað samráð sín í milli en skort hefur á miðlægan samráðs og samstarfsvettvang. 

• Agla Snorradóttir, Grunnskólanum í Bláskógabyggð. Hún mun fjalla um vefinn Átthagafræði í Bláskógabyggð sem var verkefni hennar til Meistaragráðu í HÍ. Verkefnið er hugsað, frá upphafi, til þess að koma á kennslu og notkun í upplýsingatækni og miðlun í grunnskóla, einkum í Grunnskóla Bláskógabyggðar. Auðvelt á að vera að yfirfæra verkefnið og nýta það breytt fyrir aðra grunnskóla eða sveitarfélög. Verkefnið byggir einnig á hugmyndum um fullorðinsfræðslu og hvaða leiðir eru færar til að hvetja kennara til að efla færni sína í upplýsingatækni og innleiða hana í grunnskólastarfið.

Raungreinar og upplýsingatækni             

• Rúnar S Þorvaldsson kennari við MS, Gauti Eiríksson kennari í Álftanesskóla og Óskar Sigurðsson hjá A4.
  Þeir kynna Pasco tæki fyrir raungreina- og upplýsingatæknikennslu, Sunflower og fleiri forrit.
•  Hlíf Böðvarsdóttir frá Keili kynnir Livescribe.
  Livescribe er geysilega sniðugur gagnvirkur penna sem kennarar í Keili nýta mikið í stærðfræðikennslu.
• Ellert Ólafsson, Stærðfræði í takt við tímann.
  Hann kynnir kennslubók í stærðfræði sem byggir á kennslu með notkun tölvuforrita. Bókin er ætluð framhaldsskólanemum en með henni skal nota stærðfræðiforritið Maple. Ellert segir tölvuvæðingu stærðfræðikennslu vera byltingu sem muni valda miklum breytingum á næstu árum.
• Svava Pétursdóttir, doktorsnemi.
  Hún fer yfir stöðuna í dag varðandi notkun upplýsingatækni við náttúrufræðikennslu. Þær upplýsingar eru fengnar úr rannsókn hennar sem bæði fólst í spurningalista og viðtölum við kennara. Ennfremur verður farið yfir hverjir séu kostir og möguleikar upplýsingatækni við náttúrufræðikennslu, hvað námsgögn eru til og hvaða áhrif þau geti haft á nám og kennslu.

Tungumál, samfélagsfræði, landafræði, samþætting námsgreina og upplýsingatækni     

• Birte Harksen og Sverrir J Dalsgaard, Leikskólanum Urðarhóli.
  Þau kynna vefsvæðin Börn og tónlist og  Leikur að bókum. Vefsvæði sem eru opin öllum og allir geta verið þátttakendur í 
  að byggja upp. Á báðum vefsvæðum er mikið notast við myndupptökur og vísað í gagnvirkt efni sem er mjög áhugavert fyrir leikskóla og yngstu bekki grunnskóla. 
  

• Þorbjörg St. Þorsteinsdóttir kynnir nýtt Tungumálatorg.
  Tungumálatorgið er vettvangur á neti, tengdur námi og kennslu tungumála og fjölmenningarlegu skólastarfi.
  Það er vettvangur allra skóla- og fræðslustofnana og hefur því þýðingu fyrir fjölmenna hópa tungumálakennara, skólastjórnenda,foreldra og nemenda.    
  

• Elín Jóna Traustadóttir, Gyða Björk Björnsdóttir og Halla Sigríður Bjarnadóttir frá Flúðaskóla.
  Samþætting náttúrufræði og UT.  Fjallað verður um bloggsíður og nám, einnig samþættingu í náttúrfræði og upplýsingatækni þar sem náttúrufræðiverkefni eru unnin gagngert með upplýsingatækni í huga.
  

Kl. 15:45  Vinnustofur með kynningaraðilum og léttar veitingar í veitingasal Keilis

Borðin í veitingasalnum hafa verið merkt kynningaraðilum og hægt er að skoða og skeggræða.
Hægt er að fara á milli og prófa tæki og tól eða spyrja út í notkun forrita og tækja.

Þátttakendur auk þeirra sem voru í málstofum eru:               

• Fjóla Þorvaldsdóttir, leikskólanum Furugrund
  Skjásýning þar sem sést á hvern hátt upplýsingatækni er notuð í námii barnanna í Furugrund.
  Leikskólinn hefur allt frá árinu 2007 lagt mikla áherslu á gera upplýsingatækni aðgengilega fyirr öll börn.
• Guðmundur I Markússon frá eTwinning
  eTwinning er áætlun um rafrænt skólasamfélag í Evrópu. eTwinning heyrir undir Comenius hluta Menntaáætlunar Evrópusambandsins, Lifelong Learning Program.
• Þór Þorsteinsson frá Nepal
  Nepal hugbúnaður er tæplega sjö ára fyrirtæki sem sérhæfir sig í þróun miðlægra hugbúnaðarlausna. Fyrirtækið stendur á styrkum stoðum og hafa starfsmenn þess áralanga reynslu að baki.
  

• Sigrún Jóhannesdóttir og Hrönn Birgisdóttir frá Tölvumiðstöð fatlaðra
  Þær kynna GSM síma og snjallsíma sem skipulagstæki fyrir nemendur með ADHD og aðra sem á þurfa að halda. iPad í tjáskiptum, upplestur vistaður frá EasyTutor forritinu o.fl. Fróðlegt verður fyrir alla kennara að kynnast þeirri nýju tækni sem í boði er nú til dags og nýst getur öllum börnum og fullorðnum.

• Leifur Björn Björnsson frá Locatify
  Nýjasta nýtt hjá fyrirtækinu Locatify er ratleikir fyrir skóla og mun Leifur aðallega kynna þá. Locatify er að búa til kerfi þar sem kennarar og nemendur undir handleiðslu kennara, geta útbúið ratleiki um sitt nágrenni.
  

• Óskar Sigurðsson frá A4 Skólavörubúð,  Rúnar S. Þorvaldsson frá MS og Gauti Eiríksson frá Álftanesskóla
  Þeir kynna ýmis forrit sem ætluð eru til náms og kennslu. 
  

• Guðrún Jörgensen frá Microsoft á Íslandi
  Kynnt verður það nýjasta frá Microsoft.
  

• Sigurður Þorsteinsson frá epli.is
  Skakkiturn ehf. rekur Apple VAD á Íslandi í umboði Apple Computer, Inc í Bandaríkjunum. Kynning á því nýjasta sem er á markaðnum.
  

                                       
Kl. 17:00 Ráðstefnuslit
Hjálmar Árnason, framkvæmdastjóri Keilis