félag um upplýsingatækni og menntun er félag þeirra sem starfa við upplýsingatækni í menntastofnunum landsins.
​Um félagið
Eins og nafn félagsins ber með sér þá er það vettvangur þeirra sem með einum eða öðrum hætti koma að upplýsingatækni í menntun í dag. Í félaginu eru kerfisstjórar, þeir sem forrita kennsluforrit, kennarar af öllum skólastigum frá leikskóla til háskóla, skólastjórnendur og margir fleiri. Markmið stjórnar félagsins er að efla starfsemi þess.
Póstlisti 3f
Fylltu út formið til að skrá þig í félagið og á póstlista 3f.
Tilgangur félagsins er að:
  • stuðla að aukinni menntun í upplýsingatækni
  • vera vettvangur fyrir skoðanaskipti um upplýsingatækni í námi og kennslu og þróun á því sviði
  • standa vörð um hagsmuni þeirra sem vinna að hagnýtingu upplýsingatækni í námi og kennslu
  • vera tengiliður á milli menntayfirvalda og félagsmanna
Sumarnámskeið 3f og SEF 2023
Gervigreind í skólastarfi
Picture



​​Hið árlega sumarnámskeið 3f og SEF, verður haldið fimmtudaginn 8. júní og föstudaginn 9. júní nk.
​Námskeiðið verður tvískipt:
8. júní í Moodle: Vefhluti námskeiðsins; inngangur að gervigreind og helstu verkfærum.
9. júní í Versló: Fyrirlestur og verklegur hluti, gervigreindin prófuð og verkefni unnin.
  • Fyrri dagurinn verður í gegnum kennslukerfið Moodle með kynningu á gervigreind og kynnt verfæri sem standa nemendum og kennurum til boða og byggja á gervigreindartækni.
  • Seinni dagurinn verður í Verzlunarskóla Íslands þar sem prófuð verða helstu verkfærin og unnið með gögn.

​Kennarar á námskeiðinu verða Sigurður Fjalar Jónsson kennari í FB og markaðsstjóri hjá IÐUNNI fræðslusetri og Hjörvar Ingi Haraldsson kennari í FB.

Námskeiðið verður þverfaglegt og hentar kennurum óháð námsgrein og þeim að kostnaðarlausu. 
Mín framtíð
Íslandsmótið í iðn- og verkgreinum, Mín framtíð, var haldið í Laugardagshöll dagana 16.–18. mars 2023.
Eins og þrisvar áður verður keppt m.a. í vefþróun og leikjaforritun. Keppendur komu frá nokkrum framhaldsskólum en 3f hefur séð um keppnina í þessum tveimur greinum.
Fræðsluaðilar kynntu fjölbreytt námsframboð á framhaldsskólastigi og boðið var upp á ýmsa viðburði, kynningar og ekki síst að prófa, fikta, snerta og smakka. Ekki missa af þessu einstaka tækifæri til að kynnast námi á framhaldsskólastigi á einum stað.
Nánari upplýsingar er að finna á síðunni Mín framtíð | Nám og störf (namogstorf.is)

Ísland og fjórða iðnbyltingin     Stjórnarráð Íslands – Forsætisráðuneytið

Íslandsmótið í iðn- og verkgreinum ber núna heitið Mín framtíð 2019 og verður haldið í Laugardagshöll dagana 14.–16. mars nk.
Eins og tvisvar áður verður keppt m.a. í vefþróun og leikjaforritun og koma keppendur frá nokkrum framhaldsskólum.
Fimmtudaginn 14. mars og föstudaginn 15. mars verður opið milli kl. 14 og 17 fyrir almenning og laugardaginn 16. mars milli klukkan 10 og 16.
Fræðsluaðilar munu kynna fjölbreytt námsframboð á framhaldsskólastigi og boðið verður upp á ýmsa viðburði, kynningar og ekki síst að prófa, fikta, snerta og smakka.
Ekki missa af þessu einstaka tækifæri til að kynnast námi á framhaldsskólastigi á einum stað.
Sumarnámskeið 3f og SEF 2018
Fab Lab fyrir alla ​– Fyrstu skrefin
​​Hið árlega sumarnámskeið 3f og SEF var haldið 7.–8. júní 2018 í Verzlunarskóla Íslands og Fjölbrautaskólanum í Breiðholti. 
Á námskeiðinu varfarið í möguleika FAB LAB smiðjunnar, tækja- og hugbúnað sem þar er veitt aðgengi að, kynntar aðferðir, verkfæri og hugbúnaður sem finna má í FAB LAB og nýtist í nútíma skólastarfi.
Kennari á námskeiðinu var Sigurður Fjalar Jónsson, kennari í FB, aðstoð Hrafnhildur Gísladóttir.
Námskeiðið er ætlað framhaldsskólakennurum. Takmarkaður fjöldi verður á námskeiðinu. Hægt að skrá sig út maí, eða á meðan sæti eru laus.
Félagið
3f – Félag um upplýsingatækni og menntun er félag þeirra sem starfa við upplýsingatækni í menntastofnunum landsins.
Atburðir
3f stendur fyrir fjölda viðburða á hverju ári. 
Ráðstefnur
3f stendur fyrir ráðstefnum á hverju ári. 

    Hafa samband