3f – Atburðir 2012

Kynning á Microsoft Multipoint í Hörðuvallaskóla í Kópavogi

Fimmtudaginn 22. nóvember 2012 kl. 19:30 var haldin kynning á Microsoft Multipoint-lausninni í samstarfi við Nýherja og Hörðuvallaskóla í Kópavogi. 

Fulltrúi frá Nýherja ásamt Elínborgu Siggeirsdóttur, kennara í Hörðuvallaskóla og meðstjórnanda í 3f, kynntu lausnina.

Multipoint lækkar rekstrarkostnað skóla vegna tölvukerfa með því að hagnýta ódýrar sýndarútstöðvar sem eru allar tengdar einni tölvu.
Fræðslufundur um Windows  8

Fimmtudaginn15. nóvember 2012, kl.  19:30–21:30 var boðið til fræðslufundar um hið nýtilkomna Windows 8 stýrikerfi í samstarfi við Microsoft og Nýherja. Kynningin var haldin í  húsnæði Nýherja að Borgartúni 37.

Fulltrúi frá Microsoft kynnti nýjungarnar og möguleika hins nýja stýrikerfis.

Fjöldi kennara mætti og var gerður góður rómur að kynningunni og líflegar umræður fylgdu í kjölfarið.
Kvöldstund í vefsmíðum

Fimmtudagskvöldið 18. október kl. 19:30–21:30 var boðið upp á rabbfund um vefsíðugerð. 
Fundurinn var haldinn í Álfhólsskóla Hjalla.
 
Þar gafst fundarmönnum tækifæri á að bera saman bækur sínar, fá aðstoð og  kynnast spennandi nýjungum í vefsmíðum.
Picture
Álfhólsskóli Hjalli
Menntabúðir – Upplýsingatækni í sérkennslu

Föstudaginn 28. september kl. 14:00–18:30 var boðið til Menntabúða (EduCamp) um upplýsingatækni í sérkennslu. Þær voru haldnar í Lágafellsskóla í Mosfellbæ í samvinnu við FLS, FÍS, FSF, TMF, epli.is, A4, Varmás og fleiri.
Í Menntabúðum kemur fólk saman til að  miðla af eigin reynslu og þekkingu og afla sér fróðleiks frá öðrum þátttakendum
en þeir eru í aðalhlutverki. Saman munu þeir takast á við áskoranir og  málefni sem eru ákveðin af þátttakendum sjálfum
og eru knúin áfram af markmiðum og umfjöllunarefni dagsins.

Markmið Menntabúðanna var að: 
  • skapa jafningjaumhverfi þar sem miðlun þekkingar og reynslu á sér stað
  • veita þátttakendum tækifæri til að læra og prófa sig áfram með ýmis áhugaverð viðfangsefni
  • gefa þátttakendum tækifæri til að öðlast ný og efla tengsl við jafningja þannig að samvinna verði í framtíðinni milli fólks

 Nánari uplýsingar er að finna á heimasíðu Menntabúða og á Fésbókarsíðunni https://www.facebook.com/menntabudir.
Fræðsluerindi um forritunarmöguleika fyrir og í iPad

Þriðjudaginn 22. maí hélt 3f fræðslufund í samstarfi við Skemu í Háskólanum í Reykjavík. Rakel Sölvadóttir flutti erindi um forritunarmöguleika fyrir og  í iPad. Erindið var tekið upp og hægt að horfa á það í tveimur hlutum á UT-rásinni. Sjá einnig skjákynningu Rakelar.
Forritun í iPad – Skjákynning
Rakle Sölvadóttir með erindi á fræðslufundi 3f 22. maí 2012.
Aðalfundur 3f 2012

Aðalfundur 3f var haldinn 22. maí 2012 í Háskólanum í Reykjavík,  kl. 17. Sjá nánar undir Aðalfundir.
Ráðstefna 3f 2012 – Margt smátt gerir eitt stórt

Föstudaginn 16. mars 2012 var haldin ráðstefna 3f og Háskólans í Reykjavík.
Ráðstefnan bar yfirheitið:  Margt smátt gerir eitt stórt – Upplýsingatækni og nýjungar.

Meginþema ráðstefnunnar var upplýsingatækni í skólastarfi. Fjallað var sérstaklega um þær breytingar sem eru að verða í skólastofunni með tilkomu smærri tækja og tóla. Spáð var í framtíðina; verða miklar breytingar á kennsluháttum í nánustu framtíð, hver verða áhrifin á námsgagnagerð o.g. Ráðstefnan var samvinnuverkefni 3f og Háskólans í Reykjavík.

Allar nánari upplýsingar eru á vef ráðstefnunnar.